مرحباً بك عزيزنا الزائر في منتدى جمعية أصدقاء سلمية... يشرفنا أن تقوم بالتسجيل في منتدانا لتصبح واحداً من أسرتنا. مثلما يسعدنا أن تتصفح منتدانا بدون التسجيل فيه..
دمت بود واحترام
إدارة منتدى جمعية أصدقاء سلمية



 
الرئيسيةالبوابةاليوميةس .و .جبحـثالتسجيلدخول

يمكنكم زيارة الصفحة الرسمية لجمعية أصدقاء سلمية على موقع facebook على الرابط :https://www.facebook.com/home.php?sk=group_149912905080000


شاطر | 
 

 مذكرات عاشق سلموني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النسر السوري



عدد الرسائل : 1
تاريخ التسجيل : 04/09/2008

مُساهمةموضوع: مذكرات عاشق سلموني   6/9/2008, 2:07 am

مذكرات عاشق سلموني

غاديني وأنا عم أعمل جـحــش هوا
.... طسيتا
حصت ولصت..... ع جمالا اشتلقت
ورِّيت شوكان بايدي
ومدري شو صرلي تلعبجت
دقدست عنا واسما عرفت
ومن وقتا بحبا اندرخت
ياما وراها زومعت وفنحت
ومن شانا ياما تكرفتت وتدعكلت
وعالحيطان شقد تعشبقت
وبراميات الوحل ياما تمرطست
وقديش بالزوابيق لقلقت
بس لأعرف وين بيتا......وعرفت
حاولت كلي من هالبنبوقة ... بس ما قدرت
لأني بحبا تزردكت وتزربطت ومعد فيي زملطت
وصار اللي صار واكلنا الكم وفيا ارتبطت
وبعدين طلبت ايدا وتجوزت
بس وقتا لعرفت
انو كل هاللعي كان لت وعجن
تمنيت لو إني عيوني بلبصت
ولا شفت اللي شفت
طلعت وحدة جقجوقة
ومأنتة كتير ومجلوقة
لهلق ما بتعرف تمسك الخاشوقة
ومالا غير تلبس هالبشلوقة
وتدور عالجيران بالزابوقة
كل مرة بتهوبر وبتفتح باجوقا
وبتطلعلي بشي بنبوقة
أي والله طلعت وحدة كركوبة
وياما انتبهت انا ما بتوبي
كل ما حردت بسلقالا تبتوبي
ما بتعرف تغسل بالطشت
وخلتني قدام العالم اتنشحت
كل ما خشيت عالغرفة لألبس بكون شفت
الهدوم معرمة تعريم... وللاقي قلاشيني بدي انكتا نكت
ومقا الي نفس تنوسفت
وصرت اتزولع كل ما تزرزقت
ومن الجوع انجقمت
لأنو من طبخاتنا المخبوصة قرفت
ياما من تحت راسا انمقتت
وبالجكرة تنحت وبوزمت
وصرت أعمل حالي من النعس نهنت
وعالفرشة رحت فرنقعت
وحطيت راسي واندفست
وكل ما بسابع نومة خنفست بكون فيا كوبست
ومن الشيطان تعوزبت
كرهتني حالي
بتمضيا عالكنباية مبشطة
أو عالمضربية متمغطة
شعرا عطول مقفشرومعفشك ويا ريت شفتا مرة متمشطة
ويا ريت بتعرف تلبس هدوما شي مكرشنة وشي مبهبطة
وشي مشبشلة وشي مهركلة وشي مزمرطة
وعلوا بتعرف تحط حطاط..... خلقتا عطول مليصنة وملغطة
صارت حياتي معا صعبة وصرت عطول كشيان
وصرت شوف الحياة قدامي كأنا مطليسة بالجوغان



=============

شرح المفردات


غاديني = هنالك
جحش هوا = مشوار لشم الهوا
طسيتا = من طس يطس أي يرى يصبح المعنى شفتا
حصت ولصت = رحت وجيت و جيت ورحت
اشتلقت = انتبهت
ورِّيت = زتيت يعني رميت
تلعبجت = تخربطت بألم
دقدست = يدقدس أي يبحث عن شيء ما
اندرخت = سكرت او دخت
زومعت وفنحت = ركضت بسرعة
ومن شانا = من أجلها
ياما = كتير
تكرفتت = من تكرفت أي وقع
وتدعكلت = تكورت على نفسي
شقد = كم
تعشبقت = تعلقت و تعربشت
وبراميات = الواو حرف عطف , راميات = جمع رامية وهي تجمع ماء المطر
الوحل = الطين , يمكن معروفة
تمرطست = تبهدلت بالوحل من كتر ما صار على جسمي وحل
قديش = كم
بالزوابيق = الشوارع الضيقة الملتوية
لقلقت = رحت وجيت وجيت ورحت
كلي = بفتح الكاف و كسر اللام أي اهرب
هالبنبوقة = ورطة
تزردكت = تورطت
وتزربطت = علقت
معد = لم أعد أستطع
زملطت = نفدت
اللعي = الحكي
بلبصت = قلعت
جقجوقة = ثرثارة تتكلم كلام بلا معنا
مأنتة = متصنعة
مجلوقة = تتدخل في كل شيئ بشكل غير لطيف
الخاشوقة = كلمة أصلها تركي تعني الملعقة
البشلوقة = الشحاط
بالزابوقة = ممر شيق بين البيوت
بتهوبر = تضخم الامور
باجوقا = الباجوق هو الفم , يعني تما
كركوبة = ختيارة بشعة
ما بتوبي = ما بتفهم
حردت = زعلت
بسلقالا = اعطيها
تبتوبي = يعني شي شغلة
بالطشت = وعاء كبير لغسل الملابس ( تبع نانسي عجرم اه ونص )
اتنشحت = من النشح أي الوسخ يعني توسخت
خشيت = من خش أي دخل يعني فات
الهدوم = الملابس
معرمة = مكومة
تعريم = من عرم تعريم أي كوم
وللاقي = لأجد
قلاشيني = القلاشين هي الجوارب
انكتا نكت = انبشها نبش أي انكش
ومقا = لم يعد
تنوسفت = أكلت
اتزولع = اصابه الغثيان
تزرزقت = تزرزق شرب الماء
انجقمت = التوى فمي ( متل تم السنيورة )
المخبوصة = خليط من الطعام غير المتجانس
انمقتت = انعكرت و انزعجت
بوزمت = مط شفتيه الى الامام انزعاجا
نهنت = نهنه اشتد به النعاس
فرنقعت = المعنى في قلب الشاعر
اندفست = نمت
خنفست = اصدر صوت الشخير
كوبست = رأيت الكوابيس
مبشطة = جلست جلسة مريحة
عالمضربية = غطاء مصنوع يدويا من بقايا الملابس البالية و يكون كبير الحجم
متمغطة = متمددة
مقفشر = منكوش
ومعفشك = غير مرتب
مكرشنة = غير مكوية ( مجعلكة )
مبهبطة = كبيرة وفضفاضة
مشبشلة = تضع اكسسوارات غير متناسقة
مهركلة = غير مرتبة
مزمرطة = ملابس ضيقة غير مناسبة
تحط حطاط = تضع مكياج
خلقتا = وجهها
مليصنة وملغطة = هي ملغمطة و ليست ملغطة أي مكياج سيئ
كشيان = عابس
مطليسة = الصورة غير واضحة
بالجوغان = دخان الصوبيا ( مدافئ المازوت ) أي الشحار




القصيدة مأخوذة من موقع البوابة لمحلية لمنطقة سلمية

اما شرح المفردات ف مني

لكم مني ارق تحية

الرجوع الى أعلى الصفحة اذهب الى الأسفل
لجنة الإعلام
Admin
Admin


عدد الرسائل : 2412
العمر : 40
تاريخ التسجيل : 22/05/2007

مُساهمةموضوع: رد: مذكرات عاشق سلموني   5/12/2008, 11:29 am

اي شو هالوقعة لمشحرة
الرجوع الى أعلى الصفحة اذهب الى الأسفل
http://slmf.all-forum.net
الشرقي



عدد الرسائل : 1
تاريخ التسجيل : 18/07/2009

مُساهمةموضوع: رد: مذكرات عاشق سلموني   18/7/2009, 11:31 pm

يعني
ماعاد في احترام لحقوق التأليف والنشر
يا عين خالتك
القصيدة تألفت سنة 2002
مكن قبل 6 شباب من سلمية
وبغض النظر عن موضوع الزواج لا زالو على قيد الحياة
ولا زالو حتى الآن يفتخرون بهذا العمل الفريد والحيد اللي طلع معن
لذلك ياريت على الأقل لما ينشر ينشر بطريقة لائقة
تتناسب مع جمالية العمل
ولكم التحية
التوقيع
أحد المؤلفين
الرجوع الى أعلى الصفحة اذهب الى الأسفل
تمام سلهب
ذهبي
ذهبي


عدد الرسائل : 34
تاريخ التسجيل : 07/12/2010

مُساهمةموضوع: رد: مذكرات عاشق سلموني   10/12/2010, 1:42 pm

santa مرحبا..............أناكتير متعاطف مع الشاعر لانو أكل صواب مانو سهل الله يعينيو
الرجوع الى أعلى الصفحة اذهب الى الأسفل
نورالقمر
ذهبي
ذهبي


عدد الرسائل : 386
Localisation : قوتي ثقتي بنفسي
تاريخ التسجيل : 05/09/2011

مُساهمةموضوع: رد: مذكرات عاشق سلموني   27/11/2011, 1:08 pm

هههههههههه والله وقعة غير شكل مشكور على هالمذكرة الحلوة بروح النهفة لي فيها sunny
الرجوع الى أعلى الصفحة اذهب الى الأسفل
سام
ذهبي
ذهبي


عدد الرسائل : 211
تاريخ التسجيل : 08/12/2010

مُساهمةموضوع: رد: مذكرات عاشق سلموني   28/11/2011, 11:07 am

والله زمان ماضحكت من قلبي .......بشكرك ايها النسر على عرض هذة المذكرات وبشكر شرح المفردات البالغ عددها 81 اللي سهل فهم القصيدة .......وعلى فكرة كل العشاق لايرون الا الجميل في الشريك الاخر وكانو الواحد بضربو عما وبعد مابتوقع الفاس بالراس تسقط جميع الاقنعة وبكون الواحد غاص يا بالجاموقعة او بالعسل وبالحالتين راحة عليه الصيفية ......مشكور مرة ثانية
الرجوع الى أعلى الصفحة اذهب الى الأسفل
 
مذكرات عاشق سلموني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: مجتمعنا :: تراث وفلكلور-
انتقل الى: