مرحباً بك عزيزنا الزائر في منتدى جمعية أصدقاء سلمية... يشرفنا أن تقوم بالتسجيل في منتدانا لتصبح واحداً من أسرتنا. مثلما يسعدنا أن تتصفح منتدانا بدون التسجيل فيه..
دمت بود واحترام
إدارة منتدى جمعية أصدقاء سلمية



 
الرئيسيةالبوابةاليوميةس .و .جبحـثالتسجيلدخول

يمكنكم زيارة الصفحة الرسمية لجمعية أصدقاء سلمية على موقع facebook على الرابط :https://www.facebook.com/home.php?sk=group_149912905080000


شاطر | 
 

 شاعر من بلادي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
adham gendi
ذهبي
ذهبي


عدد الرسائل : 26
تاريخ التسجيل : 01/06/2007

مُساهمةموضوع: شاعر من بلادي   1/6/2007, 9:47 am

في شي غلط
كِلْشي غلط يِمْكِنْ
بسِّ الْغلط فوق الغلط خلاّني لاقي الصحّ
خلاّني أعرف ليشْ جِلْجامِشْ سَلَكْ درْبِ الْعَتِم
تَ بْقلبو لاقى الضوّ
إنتي بتعرفيني إذا بدّي لَبَنْ عَصْفور رَحْ لاقي
وقت الْ مَ بدّي موت رح بِبْقى، وْأنا باقي
لكن إذا بلّش حنين الغيم ينساني
وِتْحَرْطَموا مْواجي ع صخْرات الصَّبِرْ
ما ضلّ ع كْمامي عِطِرْ
وقتا رَحِ بْقلِّك خلص
ما عاد بقّى بهالعُمِرْ
إيّام تستاهل غلط


طيِّب إذا إنتي مَ عد بدِّك حدا حدِّك
حتى اللّي كانوا يصابِروا قدِّك.. مَ عَدْ بدِّك
شو بسوّي بِشْروشي لَكَنْ
شو بِعْمُلِ بْكفّي اللي ما لاقت قمِح
شو بعْمُلِ بْدمِّي اللي ما لاقى جرِح
شو بعمل بليلي اللي ما لاقى الصِّبِح
مو باقي إلاّ صوت دعْساتي لآخرْ هالعَتِم
ماشي ع ضوّ نْجوم ذاكرْتي
صفِّط صُوَرْ وِذْنوب ومشاوير
وِعْيون مَ تْشتّي


حزني أنا بهالليل من حزنك
خوفي مِتِل خوفك
نبضي صدى نبضِك
سامع أنين الريح ع بْوابي
شفتي إذا ما تْسَكَّرِ الشِّباك ع الآخر
كيف الهوا بيئِنّ ع طْرافو
متل الولد ياللي انسرق منّو الفرح
صفّي نهر
مالو أرض، مالو سما، مالو حدا
حتى الحضن، بعدو الحضن، بعدو الحضن
يِصْفى صَخِرْ داشر بِهالنهر اللي ما بيعرف مدى



علي الرقماني
شاعر سوري مقيم بالبرازيل
عيونو خضر
الرجوع الى أعلى الصفحة اذهب الى الأسفل
 
شاعر من بلادي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: بوح-
انتقل الى: