مرحباً بك عزيزنا الزائر في منتدى جمعية أصدقاء سلمية... يشرفنا أن تقوم بالتسجيل في منتدانا لتصبح واحداً من أسرتنا. مثلما يسعدنا أن تتصفح منتدانا بدون التسجيل فيه..
دمت بود واحترام
إدارة منتدى جمعية أصدقاء سلمية



 
الرئيسيةالبوابةاليوميةس .و .جبحـثالتسجيلدخول

يمكنكم زيارة الصفحة الرسمية لجمعية أصدقاء سلمية على موقع facebook على الرابط :https://www.facebook.com/home.php?sk=group_149912905080000


شاطر | 
 

 ليلى والذئب بقلم جوده ابو خميس ( ضيعة ضايعه)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شتاء



عدد الرسائل : 4
العمر : 38
Localisation : دمشق الياسمين
تاريخ التسجيل : 06/06/2010

مُساهمةموضوع: ليلى والذئب بقلم جوده ابو خميس ( ضيعة ضايعه)   28/6/2010, 11:19 am

ليلى:إمي هاتي مطبقية الأكل تشوف بدي آخد فروج بروسلي لستي واعمليلي قضوضة سوركي انا جيعانة.


إمها لليلى:ليكي ياإمي قبل ماتدرملي بتمري لعند عمك أبو درغللي بتاخدي مفتاح بيت ستك بركدا ماكانت بالبيت,واعطيه المصرات اللي تديناهن.

اوعى اذا شفتي الديب عم يعين فيكي تعطيه وش وتطقي حنك معه بس شفتيه مفنجر عيونه فورا بعئي وكحشيه.اوعى يبلفك هه.

ليلى:إي إي, رح البس تاسومتي وحط الجاكية لسه في لسعة برد.

مرت ليلى أول شي لعند عمها أبو درغللي وهيي عم بتغني:درغللي يادرغللي بترخص مابتغللي.

عمها أخوه لأبوها من غيرإم:يلعمى فعيون عيونك لعمى مين قلك اني ابو درغللي هاد لبق مواسم ياغشيمة ولك فدانة انا اسمي ابو دراع.

ليلى:هدلوني إهلي ,هات المفتاح .

عمها:ماآبول هاتي المصرات بالأول,وبعدين مع السلامة ياحمامةودرملي .

ليلى عطته المصرات وقبعت الركيد ,كان الديب لاطي ورا السجرات عم يعين في ليلى وقت قربت صرخ:حياتي اتتي ولك ليلى لوين من غير شر؟

ليلى:إسا مامشينا وإنت شو دحشك ولك صرماية؟ تخر لورا تشوف.

الديب:هاتي تشوف شو معك؟

ليلى:هدلون لستي يا شحاري اذا صحي والله ببعىء بلم عليك العالم.

الديب:ولي حرمباية,هاتي .وأخد الأكل وهفاه هفي ماخلى ولاأتوسة.

ليلى:يبريني عن ديني إذا مابعدمك ولك واطي ولك صرماية اتتي.

الديب:ولك عزرط لابيحل ولابيربط والحشا مابتسوي نص فرنك بإيامات الغلا.

ليلى:بحضي تفرجيك.

راحت ليلى لعند ستها مجقيتها وقعدت حكتلها كلشي وكيف الديب طعجها وأكل شلافين الجاج والسوركي وكيف بهدلها .

ستها :شو بده يحكي الواح تيحكي الواح ,الحق على عمك.

رح قوم إشعل ببور الكاز وإعمل كاسة شاي نكرعها عالسريع ونقبع لعند الديب والله تأرجيه نجوم الضهر.

ليلى:ستي إشو بيشتغل عمي ديبو حتى تاركينا ومفرطعين متل الداشرين؟

ستها:بيشتغل بالتهريب بس اوعى تحكي مافهني حدا بيعرف ولك ياستي.

راحوا ستها وليلى عالغابةوتركوا مرة عمها فريحة تنتبه عالدار وكانت فريحة حامل بطنها لحلقها وقعدت تشرب متة على بان مايجوا .

كان ديبو جوزها لفريحة بالغابة وشاف آثار شلافين والمطبقيةوخمن انه الديب آكل ليلى وراح ياكل ستها ويقعد بالبيت متل قصة ليلى والديب الاصلية.

أخد الجفت وبوشه عبيت إمه.

شاف من ورا الشباك حدا عم بيفصفص بزر ويشرب متة وبطنه كبير ,قوس وجات الرصاصة ببريق المتة,نطت مرته فريحة بأربعتها من الخوف.

وقت عرفها صرخ:مافا حدا غريب هاد أنا عم لطف جو .حياتي اتتي.

فريحة:بلشت إطلق من الرعبة بسرعة جبلي الداية بسرعة,لعمى شو فدان وبغل.

جاب الداية وبعد ماولدتها طلع ولد متل فلقة القمر بس حامل بإيده باكية دخان.

ديبو:عيني ربك عيني.نحنا بيت فلينة بدون قنينة,منولد ورزقتنا معنا.

مهربين بالوراثة يعني.

الداية:قوموا تشوف اعملولي بيض عيون ,دخت من الجوع.

رجعت ليلى وستها شاحطين الديب من رقبته ومعهن جفت,والديب عم يبعىء:يلعمى

فعيون عيونكن اذا صحي ,كلنا شلفون طلعتوه من عيوننا.

ديبو:شو بدكن تعملوا بالديب ؟

ليلى:بدي إعمله مرتديلا وبيعه .

ديبو:شقف حالي أنا ,لك إجت هالفصعونة يوم واحد غلبتنا والله,صرله الديب بخلقتي كذا سنة ماعرفت استغل مواهبه.

ليلى:سدوه لباجوقك عمي .

بدك اياني ضلني ببيتنا الزراطة بجنب إمي طول عمري فقر وتعتير عم خصي عجول؟؟

.................... منقول .......................
الرجوع الى أعلى الصفحة اذهب الى الأسفل
romance
ذهبي
ذهبي


عدد الرسائل : 109
تاريخ التسجيل : 27/09/2010

مُساهمةموضوع: رد: ليلى والذئب بقلم جوده ابو خميس ( ضيعة ضايعه)   3/10/2010, 9:05 am

مشكووور على المجهود ...
اول بداياتى كتبت قصصى باللغة العامية المصرية فأرسل لى زملائى فى المنتدى ان اكتب بالعربية الفصحى قثد فقد استعصت بعض كلماتى العامية على فهمهم فقل ابتهاجهم بما اكتب
فى انتظار ابداعاتك
تحياتى
الرجوع الى أعلى الصفحة اذهب الى الأسفل
 
ليلى والذئب بقلم جوده ابو خميس ( ضيعة ضايعه)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: بوح-
انتقل الى: